笔趣吧

手机浏览器扫描二维码访问

第十一回筑香巢又遇新相识张艳帜更换旧芳名（第2页）

遂将爱月山的心，移到月楼身上。

但初次见面，难以下手，究不知情性如何，得能如我愿否？一时又胡思乱想起来。

当夜归家，虽月山前来陪伴，终觉无情无绪，心上丢不开去。

从此后天天看戏，要想将媚术勾引月楼。

那知月楼不须勾得，自有吊膀子的手段，胆量比月山更大。

虽在那里做戏，一双眼睛只向包厢里溜去，见黛玉夜夜到此，一切举止行动，既不像人家人，又不是局上，但猜度上去，决定是个淫贱尤物，可以勾搭得动的，不然，为什么对我眉来眼去呢？故月楼在演剧之时，愈觉卖弄精神，看得黛玉神魂颠倒。

那夜回去，即与阿金商议此事。

阿金起初故意为难，后来黛玉再三央恳，又许了他多少东西，方才应允。

说道：“倒是一样勿稳当，格件事体拨勒月山晓得仔，吃起醋来末那处嗄？”

黛玉道：“奴是昏脱格哉，搭奴想想主意看。”

阿金道：“主意是有一个勒里，眼睛门前，只推托勒里生病，让我对俚去说，叫俚来，如果俚来望，困勒床浪仔，只说发肝气肚里痛末哉。”

黛玉道：“格格主意不过一时之计，终勿能长远格。”

阿金道：“起初末实梗，原勿是长远格呀。

奴还有一个道理勒海来，心急，听我说。

前月月山问要借二百块洋钱，奶奶是应酬俚格。

故歇亦开口要借一百，还答应俚格来。

据我意见，要搭俚断格，现在借拨俚，俚就勿高兴来哉。

我老实对奶奶说仔罢，格套戏子，有心搭要好，无非想两个铜钱。

借拨俚末呒啥，如若勿借，马上就搭断绝。

我看见仔几化哉。”

黛玉道：“格闲话是勿差，只怕俚晓得仔格桩事体，吃起醋来，弄得动刀动枪，叫奴阿要吓杀介！”

阿金道：“勿要紧格，我下文还有法子勒。

若然弄到动刀动枪，格是真真呒法，大呒趣哉！

奶奶吓，做到格种事体，一末要胆大，二末多费几百洋钱，包我身浪，太太平平，一贴平稳散，半点风险呒不阿好？”

黛玉道：“格法子，说仔半日，仍旧细细教说出来，叫奴哪哼安心呢？至于铜钱银子，奴是勿惜格，只要成功就是哉。”

阿金道：“我看月山格人，独想要借洋钱，勿是真心搭要好，格落好商量格。

当面末勿借拨俚，只推托自家有病，亦搭俚一淘困，冷疏疏叫转去。

俚板要火冒，但当时见生病，勿见得马上发作。

等到明朝，让我到俚屋里，带仔二百块洋钱，比俚讨价多点，交拨仔俚。

我对俚说，格注洋钱奶奶末呒不，是我借得来格，皆为搭交好仔一场洛，以后去哉。

一来勒浪勿适意，恐怕待慢仔；二来外势风声野大，拨勒杨家里听见仔，虽说末已经出来，总算坍仔俚格台，只怕拿倪驱逐，弄得住勿安稳，倒勿局格。

实梗一说，俚心里总明白格哉，即使有点难过，看见仔二百洋钿，自然完结，横势勿是搭真心要好呀。

奶奶想阿对呢勿对？”

黛玉听他一番说话，暗暗想了一想，虽然不大稳当，也只好如此，虑不尽许多，到那时见事行事便了。

故又对阿金说道：“只要办得妥当，就照实梗说法末哉。”

阿金道：“奶奶尽管放心，不过有格场化，心急勿出格。”